Month: May 2025

ఇప్పటి కాలంలో వయస్సుతో సంబంధం లేకుండానే గుండెపోటు మరణాలు పెరుగుతున్నాయి. ఈ పరిస్థితిని దృష్టిలో ఉంచుకుని, గుండెపోటు బాధితులకు ప్రాణాలు నిలుపుకోవడానికి అవసరమైన టెనెక్టిప్లేస్ ఇంజక్షన్‌ను ఆంధ్రప్రదేశ్ కూటమి ప్రభుత్వం అందుబాటులోకి తెచ్చింది. గుండెపోటు వచ్చిన వెంటనే రోగిని ఆసుపత్రికి తీసుకెళ్లి ఈ ఇంజక్షన్ ఇవ్వడం వల్ల ప్రాణాలు కాపాడే అవకాశం ఎక్కువగా ఉంటుంది. ఈ మందును రాష్ట్రవ్యాప్తంగా ఉన్న కమ్యూనిటీ ఆసుపత్రుల్లో ఉచితంగా పంపిణీ చేయాలని ప్రభుత్వం ఇప్పటికే నిర్ణయించింది.