టీమ్ఇండియా కొత్త వన్డే కెప్టెన్ శుభ్‌మన్ గిల్—రోహిత్ శర్మకు వీడ్కోలు
టీమ్ఇండియాలో కెప్టెన్సీ మార్పు సంచలనంగా మారింది. ఈ ఏడాది టెస్టు కెప్టెన్‌గా బాధ్యతలు చేపట్టిన శుభ్‌మన్ గిల్ (Subhman Gill) ఇప్పుడు వన్డేల్లోనూ సారథ్య బాధ్యతలు చేపట్టనున్నాడు. రోహిత్ శర్మ (Rohit Sarma) కెరీర్ ముగింపు దశకు చేరడంతో, 26 ఏళ్ల యువ ఆటగాడు గిల్‌కు వన్డే పగ్గాలు అప్పగించారు. ఇది 2027 వన్డే వరల్డ్‌కప్‌కు ముందస్తు ప్రణాళికగా భావిస్తున్నారు.
IND vs AUS: వన్డే సిరీస్‌లో గిల్ కెప్టెన్‌గా అరంగేట్రం
అక్టోబర్ 19 నుంచి ఆస్ట్రేలియాలో మూడు వన్డేల సిరీస్ ప్రారంభం కానుంది. ఇదే సిరీస్ ద్వారా గిల్ తన వన్డే కెప్టెన్సీ జర్నీ మొదలుపెడుతున్నాడు. గత కొంతకాలంగా జట్టుకు దూరంగా ఉన్న శ్రేయస్ అయ్యర్‌కు ప్రమోషన్ లభించింది. అతడిని వన్డే జట్టు వైస్ కెప్టెన్‌గా ఎంపిక చేశారు.
రోహిత్ శర్మకు కెప్టెన్సీ నుంచి విరామం
రోహిత్ శర్మ 2021 డిసెంబరులో విరాట్ కోహ్లీ స్థానంలో వన్డే కెప్టెన్‌గా బాధ్యతలు చేపట్టాడు. 56 వన్డేల్లో సారథ్యం వహించి 42 విజయాలు సాధించారు. 2023లో ఆసియా కప్ గెలుపు, వరల్డ్‌కప్ ఫైనల్ వరకు జట్టును తీసుకెళ్లిన ఘనత రోహిత్‌దే. 2024లో T20 వరల్డ్‌కప్ గెలిచిన తర్వాత T20 ఫార్మాట్‌కు వీడ్కోలు చెప్పారు. ఇప్పుడు వన్డే కెప్టెన్సీ నుంచి కూడా తప్పుకున్నాడు.
నితీశ్ రెడ్డికి అరుదైన అవకాశం
హార్దిక్ పాండ్య గాయపడటంతో, తెలుగు యువకుడు నితీశ్ కుమార్ రెడ్డికి (Nithish Reddy) వన్డే జట్టులో చోటు దక్కింది. ఇది తెలుగు క్రికెట్ అభిమానులకు గర్వకారణం. బుమ్రాకు విశ్రాంతి ఇచ్చి ప్రసిద్ధ్ కృష్ణను ఎంపిక చేశారు. మహ్మద్ షమి, జడేజా, సంజు శాంసన్‌కు ఈసారి అవకాశం దక్కలేదు.
టీ20 సిరీస్‌కు సూర్యకుమార్ యాదవ్ కెప్టెన్ (Suryakumar Yadav)
వన్డే సిరీస్ తర్వాత ఈనెల 29 నుంచి ఐదు టీ20లు జరగనున్నాయి. ఈ సిరీస్‌కు సూర్యకుమార్ యాదవ్‌ను కెప్టెన్‌గా కొనసాగించారు. గిల్‌ను వైస్ కెప్టెన్‌గా ఎంపిక చేశారు. ఈ రెండు జట్లను అజిత్ అగార్కర్ నేతృత్వంలోని సెలక్షన్ కమిటీ ప్రకటించింది.
భారత వన్డే జట్టు (IND vs AUS 2025)
- కెప్టెన్: శుభ్‌మన్ గిల్
- వైస్ కెప్టెన్: శ్రేయస్ అయ్యర్
- సీనియర్ ఆటగాళ్లు: రోహిత్ శర్మ, విరాట్ కోహ్లీ
- వికెట్ కీపర్: ధ్రువ్ జురెల్
- ఇతరులు: అక్షర్ పటేల్, కేఎల్ రాహుల్, నితీశ్ రెడ్డి, వాషింగ్టన్ సుందర్, కుల్‌దీప్ యాదవ్, హర్షిత్ రాణా, సిరాజ్, అర్ష్‌దీప్, ప్రసిద్ధ్ కృష్ణ, యశస్వి జైస్వాల్
భారత టీ20 జట్టు (IND vs AUS T20 Series 2025)
- కెప్టెన్: సూర్యకుమార్ యాదవ్
- వైస్ కెప్టెన్: శుభ్‌మన్ గిల్
- వికెట్ కీపర్: జితేశ్ శర్మ
- ఇతరులు: అభిషేక్ శర్మ, నితీశ్ రెడ్డి, శివమ్ దూబె, అక్షర్ పటేల్, వరుణ్ చక్రవర్తి, జస్‌ప్రీత్ బుమ్రా, అర్ష్‌దీప్, కుల్‌దీప్, హర్షిత్, సంజు శాంసన్, రింకు సింగ్, వాషింగ్టన్ సుందర్
Read Also : షోయబ్ మాలిక్ ముచ్చటగా మూడోసారి విడాకులు
🔗 External Links
ఈ మార్పులు టీమ్ఇండియా భవిష్యత్తు కోసం కీలకంగా మారనున్నాయి. గిల్ నాయకత్వంలో యువ జట్టు ఎలా రాణిస్తుందో చూడాలి. రోహిత్ శర్మ కెప్టెన్సీకి వీడ్కోలు చెప్పిన ఈ ఘడియలు అభిమానులకు భావోద్వేగంగా మారాయి. సోషల్ మీడియాలో రోహిత్ కి అన్యాయం జరిగిందని ఫ్యాన్స్ ఆరోపిస్తున్నారు.
Rohit Sharma’s Journey: From Talent to Legend | IndiaWorld.in
