నా కూతురు జోలికొస్తే అంతు చూస్తానని ట్రోలర్స్ కు స్ట్రాంగ్ వార్నింగ్ ఇచ్చింది బాలీవుడ్ హీరోయిన్ కాజోల్. నాగురించి మాట్లాడినా ఊరుకుంటాను.. కానీ నా కూతురిపై బ్యాడ్ కామెంట్ చేస్తే మాత్రం ఊరుకోను. నేను ఒకటే చెప్పాలనుకుంటున్నాను. నా కూతుర్ని విమర్శించే వాళ్ళు ఎవరూ నా కారు ముందుకు రావద్దు. ఒకవేళ వచ్చారే అనుకోండి.. నా కారుతో మిమ్మల్ని ఢీకొట్టి మీ శరీరాలపై నుంచే నా కారును పోనిస్తాను.
సోషల్ మీడియాలో వెయ్యి మెసేజ్ లు వస్తే అందులో 999 తను అందంగా ఉంది, మీరు అమేజింగ్‌.. అనే కామెంట్లే ఉంటాయి. కానీ ఏదో ఒక్కటి మాత్రం బ్యాడ్ కామెంట్ ఉంటుంది. అలా చెత్త వాగుడు వాగేవారు ఎందుకున్నారో నాకు అర్థం కాదు. అయినా నేను మంచి గురించే ఎక్కువగా పట్టించుకుంటాను. చెడు గురించి కాదు అంటూ ఫైర్ అయింది. ఇప్పుడు కాజోల్ చేసిన వాఖ్యలు సోషల్ మీడియాలో వైరల్ గా మారాయి.
కాజోల్ కు బాలీవుడ్ తో పాటు టాలీవుడ్ లో కూడా విపరీతమైన ఫ్యాన్స్ ఫాలోయింగ్ ఉంది. లేటెస్ట్ గా కాజోల్ నటించిన మా సినిమా జూన్ 27న విడుదల కానుంది. ఈ సందర్భంగా ఈ సినిమా ప్రమోషన్స్ కార్యక్రమాలలో భాగంగా మాట్లాడుతూ తన కూతురిపై ట్రోల్స్ చేసే వారికి సీరియస్ వార్నింగ్ ఇచ్చింది. ఎంత హీరోయిన్ అయినా అమ్మే కదా. తన కూతుర్ని ఎవరైనా ఏమన్నా అంటే ఏ అమ్మైనా ఊరుకోదు. అందులో కాజోల్ మినహాయింపేమీ కాదు. కాజోల్, బాలీవుడ్ నటుడు అజయ్‌ దేవ్‌గణ్‌ 1999 లో పెళ్లి చేసుకున్నారు. 2003లో వీరికి కూతురు నైసా జన్మించింది. 2010లో కుమారుడు యుగ్‌ పుట్టాడు.
Also read: ‘ది రాజా సాబ్’ కోసం ప్రభాస్ రెమ్యూనరేషన్ లో కోత
Also read: పవన్ ఫ్యాన్స్ బీ రెడీ.. హరిహర వీరమల్లు కొత్త రిలీజ్ డేట్ ఫిక్స్
Also read: ఆల్ టైమ్ హిట్ గా ‘కుబేర’
Also read: https://www.ntnews.com/cinema/kajol-serious-warning-to-trollers-2044473
