రాహుల్.. రేవంత్ తరపున సారీ చెప్పు

బీహార్ ఎన్నికల్లో అస్త్రం గా రేవంత్ కామెంట్స్

* గతంలో బిహారీ అధికారులపై రేవంత్ కామెంట్స్
* రేవంత్ పై చర్యలకు ప్రశాంత్ కిశోర్ డిమాండ్
* చర్యలు తీసుకున్నాకే రాహుల్ రావాలన్న పీకే

పాట్నా: అప్పుడెప్పుడో బిహార్ అధికారులపై తెలంగాణ సీఎం రేవంత్ రెడ్డి చేసిన కామెంట్స్ ఇప్పుడు ఆ రాష్ట్ర రాజకీయాల్లో కాంగ్రెస్ ను ఇరుకున పెట్టేలా ఉన్నాయి. బిహార్ ప్రజల్ని కించపరిచేలా మాట్లాడిన రేవంత్ పై కాంగ్రెస్ అగ్రనేత రాహుల్ గాంధీ చర్యలు తీసుకోవాలని జన్ సురాజ్ పార్టీ చీఫ్ ప్రశాంత్ కిశోర్ డిమాండ్ చేశారు. ఆ తర్వాతే బిహార్ అసెంబ్లీ ఎన్నికల ప్రచారానికి రావాలని డిమాండ్ చేస్తున్నారు.

రేవంత్ ఏమన్నారు ?
గతంలో కేసీఆర్ తన ప్రభుత్వంలో కొన్ని కీలక హోదాల్లో బిహారీ అధికారులను నియమించుకున్నారు. కేసీఆర్ ను టార్గెట్ చేస్తూ, రేవంత్ రెడ్డి సీఎం కాకముందు చేసిన వ్యాఖ్యలు ఇప్పుడు ప్రశాంత్ కిషోర్ లేవనెత్తి కాంగ్రెస్ ను ఇరుకునపెట్టారు. తమ పూర్వీకులు బిహార్‌ నుంచి వచ్చారంటూ కేసీఆర్‌ 2008లో ఓ ఇంటర్వ్యూలో చెప్పారు. ఆ రాష్ట్రానికి చెందినవారికే సీఎస్‌, డీజీపీ లాంటి కీలక పోస్టులు కేటాయిస్తున్నారని రేవంత్‌ ఆరోపించారు. బిహారీల చేతిలో తెలంగాణ బందీగా మారిందని కామెంట్ చేశారు. అయితే శ్రమ చేయడం బీహారీల డీఎన్‌ఏలోనే ఉంది. బిహారీలు అంతా లేబర్స్.. వాళ్ళు శ్రమ చేయడం కోసమే పుట్టారంటూ రేవంత్ మాట్లాడారని పీకే ఆరోపించారు. ఆయన ఎందుకు అలా అన్నారు? ఈ కామెంట్స్ కి కాంగ్రెస్ పార్టీ, రేవంత్ రెడ్డి క్షమాపణ చెప్పాలని డిమాండ్ చేస్తున్నాను. బీహారీ ప్రజలపై యేళ్ళ తరబడి నిర్లక్ష్యం, అగౌరవం ఉంది.” అని ప్రశాంత్ కిశోర్ మండిపడ్డారు.

“1989లో అప్పటి ప్రధాన మంత్రి రాజీవ్ గాంధీ 50 వేల కోట్ల రూపాయలతో బీహార్‌ను అభివృద్ధి కేంద్రంగా మారుస్తానని చెప్పారు. ఆ డబ్బు ఎక్కడికి పోయింది? ఆ తర్వాత కాంగ్రెస్ అధికారంలో ఉంది. మీరు బీహార్‌కి ఏం చేశారో చెప్పండి?” అని ప్రశ్నించారు. “సిక్కులకు జరిగిన అన్యాయానికి కాంగ్రెస్ క్షమాపణ చెబితే.. రాహుల్ గాంధీ బిహార్‌లో ప్రచారం చేసే ముందు బీహారీలకు కూడా క్షమాపణ చెప్పాలి. బిహారీలు శ్రమ కోసమే పుట్టినట్లయితే, మీరు ఇక్కడికి ఎందుకు వస్తున్నారు? తెలంగాణలో ప్రచారం చేసి అక్కడ మీ ఓట్లు పొందండి. ఇక్కడ కాదు అంటూ మండిపడ్డారు ప్రశాంత్ కిశోర్. ఈ ఇష్యూ ద్వారా బిహార్ లోకల్ సెంటిమెంట్ ను రెచ్చగొడుతున్న పీకే, అదే స్థాయిలో కాంగ్రెస్ కు నెగటివ్ క్యాంపెయిన్ మొదలుపెట్టారు. అసలే బిహార్ లో అంతంత మాత్రంగా ఉన్న కాంగ్రెస్ పార్టీకి, పీకే చేతిలో రేవంత్ కామెంట్స్ ఇష్యూ కొత్త అస్త్రంగా మారింది.రాహుల్.. రేవంత్ తరపున సారీ చెప్పు

బీహార్ ఎన్నికల్లో అస్త్రం గా రేవంత్ కామెంట్స్

Also read: సీఎం కాన్వాయ్ కే.. నీళ్లు కలిపిన డీజిల్

Also read: తమిళనాడులో పవర్ స్టార్ సునామీ

Also read: జూబ్లీహిల్స్ బీఆర్ఎస్ అభ్యర్థి ఫిక్స్

Also read: https://www.msn.com/en-in/money/topstories/ask-lalu-for-equal-seats-or-ahead-of-bihar-polls-prashant-kishor-challenges-rahul-gandhi/ar-AA1HsZyT